Ұстаз Ар-намыс Кодексі

Ұстаз ар-намыс кодексі «АИРТ — Ecomed» ЖШС-нің әрбір ұстазы ұстануға тиіс дұрыс мінез-құлық нормаларын, этикалық қағидаттарды және моральдық құндылықтарды айқындайды.

Академия ұстазы – білім беру, ғылыми-зерттеу, кеңес беру-диагностикалық және қоғамдық жұмыстармен айналысатын кәсіби маман.
Ұстаз оқу үдерісінің, ғылыми-зерттеу жұмыстарының, клиникалық базаларда көрсетілетін кеңес беру, емдеу-диагностикалық қызметтердің сапасы мен білім алушыларды кураторлауға жауапты.
Ұстаз педагогикалық жүктемені стандарттар, сұраныстар және нормативтік-құқықтық актілер талаптарына сәйкес орындайды.
Ұстаз өз кәсіби деңгейін үздіксіз арттырып, түрлі деңгейдегі конференцияларда білімдері мен дағдыларын бөліседі, осылайша академияның миссиясы, көзқарасы мен стратегиясын жүзеге асыруға үлес қосады.
Ұстаз тәлімгер болып, жас мамандардың кәсіби өсуіне ықпал етіп, халықаралық ғылыми кеңістікке интеграция мен интернационализацияны қолдайды.
Ұстаз академия тыңдаушыларында азаматтық-патриоттық көзқарас, толеранттылық мәдениетін, елдің дәстүрі мен тарихына терең құрмет сезімін қалыптастыруда әлеуметтік-құқықтық белсенділік көрсетуге міндетті.
Ұстаз тыңдаушыларда академияның моральдық-этикалық құндылықтары мен дәстүрлерін құрметтеуге, оларды сақтауға саналы мотивацияны дамытуға, студенттердің ар-намысын құрметтеуге, орынсыз айыптауларға, дөрекілік пен әдепсіздікке жол бермеуге міндетті.
Ұстаз сыбайлас жемқорлыққа (алаяқтық, парақорлық, қызметтік жағдайды асыра пайдалану) жеке беделіне және академияның рейтингіне қауіп төндіретін құбылыс ретінде қарсы тұрады.
Ұстаз академия саясаты мен корпоративтік рухының жақтаушысы ретінде барлық қызмет саласында ұйымның имиджін сақтауы тиіс.
Ұстаздардың этикалық-моральдық бұзушылықтары академияның Ғылыми кеңесінде талқылауға шығарылады.

Ар-намыс кодексі мен басқа да ережелерді бұзғаны үшін тәртіптік және әкімшілік шаралар қолданылады.