Дүйсенбаева Айгерім Жарылғапқызы

Дәрігер туралы

Акушер-гинеколог дәрігер, репродуктолог

Маман туралы

Қазақстанның жетекші репродуктивті орталықтарында жұмыс тәжірибесі бар жоғары білікті акушер-гинеколог дәрігер, репродуктолог. Басшылық қызметтер атқарған (медициналық директор, директордың орынбасары), белсенді клиникалық тәжірибені ұйымдастырушылық-әдістемелік және оқыту қызметімен ұштастырады. Қосалқы репродуктивтік технологиялар (ҚРТ) бағдарламаларын, оның ішінде «Аңсаған сәби» мемлекеттік бағдарламасы аясында табысты жүзеге асырады.

Кәсіби тәжірибесі

2023 ж. — қазіргі уақытқа дейін — «New Generation Clinic» ЖШС, Алматы қ.
Ұйымдастыру мәселелері жөніндегі директордың орынбасары, акушер-гинеколог дәрігер, репродуктолог

Халықаралық шеберлік сабақтары мен ғылыми конференцияларды ұйымдастыру.
Өңірлік клиникалардың акушер-гинеколог дәрігерлеріне сертификаттар бере отырып, көшпелі консультациялар мен оқыту бағдарламаларын өткізу.

2022–2023 жж. — «Экомед» фирмасы ЖШС, Алматы қ.
Медициналық директор, акушер-гинеколог дәрігер, репродуктолог

Клиниканың медициналық қызметін ұйымдастыру және бақылау, кадрларды оқыту және олардың біліктілігін арттыру.
«Аңсаған сәби» мемлекеттік бағдарламасы аясында ҚРТ бағдарламаларын орындау.

2020–2022 жж. — «Экомед Плюс» ЖШС, Астана қ.
Акушер-гинеколог дәрігер, репродуктолог

Гинекологиялық аурулары бар пациенттерге және бедеулікке тап болған жұптарға консультация беру және оларды жүргізу.
«Аңсаған сәби» мемлекеттік бағдарламасы бойынша ҚРТ бағдарламаларын жүргізу.

2016–2020 жж. — «Экомед-Каспий» ЖШС, Ақтау қ.
Медициналық директор, акушер-гинеколог дәрігер, репродуктолог

Клиниканың ұйымдастырушылық қызметіне басшылық жасау, бедеулік және гинекологиялық патологиялары бар пациенттерді диагностикалау және емдеу.

2013–2016 жж. — ШЖҚ «Облыстық перинаталдық орталық» МКК, Ақтау қ.
Акушер-гинеколог дәрігер

Жүктілік патологиясы бөлімінде ординатор болып жұмыс істеу, босану блогында кезекшілік атқару (экстрагениталдық патологиясы бар әйелдердің күрделі босануын жүргізу, кесарь тілігі операциясын жасау) және гинекология бөлімінде жұмыс істеу.

Көшпелі дәрігерлік бригадаға басшылық жасау, жоспарлы және шұғыл көмек көрсету, облыс аудандарында ұйымдастырушылық-әдістемелік жұмыстар жүргізу.

Қызмет бағыттары және практикалық дағдылары

Репродуктология және ҚРТ: әйелдер мен ерлер бедеулігінің (жұпта) барлық түрлерін диагностикалау және емдеу, фолликулдардың трансвагиналдық пункциясын жүргізу, эмбриондарды көшіру, суперовуляцияны ынталандыру және эндометрийді дайындау схемаларын жеке таңдау.

Ультрадыбыстық диагностика: акушерлік және гинекология саласындағы сараптамалық УДЗ-диагностика.

Гинекологиялық эндокринология: етеккір циклінің бұзылыстарын түзету, климактериялық кезеңдегі эндокриндік бұзылыстарды диагностикалау және емдеу.

Аз инвазивті хирургия: операциялық гистероскопия жүргізу, жатыр мойны, қынап және вульва патологияларын диагностикалау және емдеу.

Пациенттерді жүргізу: кешенді тексеру, күрделі клиникалық-зертханалық деректерді интерпретациялау.

Білімі және біліктілігі

2012 ж. — С.Д. Асфендияров атындағы Қазақ ұлттық медицина университеті, «Емдеу ісі» / «Жалпы медицина» мамандығы (академиялық дәреже берілген диплом).

2013 ж. — С.Д. Асфендияров атындағы ҚазҰМУ, «Акушерлік және гинекология» мамандығы бойынша интернатура (қорытынды аттестаттау — «өте жақсы»).

Біліктілікті арттыру және сертификаттар:

2024 ж. — «Акушерлік және гинекологиядағы ультрадыбыстық диагностика», ҚМУ «ҚДСЖМ» ЖШС, Алматы қ.

2023 ж. — «Репродуктивті медицина және эмбриология негіздері» (240 сағат), С.Д. Асфендияров атындағы ҚазҰМУ, Алматы қ.

2021 ж. — «Жатыр мойны, қынап және вульва патологиясын диагностикалау мен емдеудің заманауи мүмкіндіктері» (60 сағат).

2021 ж. — «Гинекологиялық эндокринология», «Ecomed» инновациялық репродуктивтік технологиялар академиясы, Нұр-Сұлтан қ.

2020 ж. — «Репродуктивті медицина. ҚРТ әдістерін қолдану», «Ecomed» академиясы, Нұр-Сұлтан қ.

2020 ж. — «Акушерлік және гинекология (балалар гинекологиясы)» мамандығы бойынша маман сертификаты, Медициналық қызметтердің сапасын бақылау комитеті, Нұр-Сұлтан қ.

2020 ж. — «Акушерлік және гинекологиядағы заманауи УДЗ», «Парасат» ҚМҮББИ, Алматы қ.

2019 ж. — «Әйелдер ауруларын емдеудегі операциялық гистероскопия», «University Medical Center» КҚ, Нұр-Сұлтан қ.

Ғылыми қызығушылықтары және кәсіби мақсаттары

Қосалқы репродуктивтік технологияларды қолдану кезіндегі тәуекелдерді басқару.

Дербестендірілген тәсіл арқылы ҚРТ бағдарламаларының тиімділігін арттыру (дені сау баланың дүниеге келуі — Take-home baby).

Диагностиканың, ҚРТ-ның және эндоскопиялық хирургияның (лапароскопия, гистероскопия) озық әдістерін енгізу.

Жас мамандарды оқыту және медициналық ұйымдарды ұлттық аккредиттеуге дайындау.