Кольпоскопия Астанада

Кольпоскопия

Кольпоскопия — бұл зерттеу, оның барысында дәрігер сіздің жатыр мойныңызды арнайы құралмен үлкейту арқылы тексереді. Егер тексеру кезінде жатыр мойнында өзгерістер бар деген күдік туындаса, онда операцияның қажеттілігі туралы мәселе шешіледі. Тексеру кезінде қолданылатын құрал кольпоскоп деп аталады. Кольпоскоп — бұл штативтегі микроскоп, оның көмегімен дәрігер сіздің жатыр мойныңыздағы өзгерістерді дәлірек тексере алады.

Тексеру кезінде кольпоскоп сізден шамамен 20-28 см қашықтықта орналасады, ол қынапқа енгізілмейді, денеңізге тимейді. Көптеген әйелдер кольпоскопия ауыртпалықсыз процедура екенін айтады, бірақ кейбір жағдайларда бұл аздап жағымсыз.

Кольпоскопия қайда жасалады?

Кольпоскопия амбулаториялық негізде, көбінесе арнайы жабдықталған кабинетте жүргізіледі. Ол үшін ауруханаға барудың қажеті жоқ.

Қандай жағдайларда дәрігер маған кольпоскопияны тағайындай алады?

Сізге кольпоскопия тағайындалуы мүмкін әртүрлі жағдайлар бар:

• Скринингтік бағдарламада берген цитологиялық талдаудың нәтижесі қалыпты емес болған кезде, жатыр мойны шырышты қабығының жасушалары қатерлі ісікке дейінгі өзгерістерге күдік тудырады. (Жатыр мойны обырының скринингі туралы ақпаратты қараңыз). Жағдайды нақтылау үшін сізге кольпоскопия ұсынылады.
• Тексеру кезінде жатыр мойнын айнаға қарап, гинеколог айқын өзгерістерді немесе қан кетуді айтады.