Бактериялық вагиноз

Бактериялық вагиноз (гарднереллез, анаэробты вагиноз, спецификалық емес бактериялық вагинит, гарднереллездік вагинит) — қынап микрофлорасының бұзылуымен сипатталатын және жағымсыз иісі бар мол қынаптық бөлінділермен көрінетін жағдай. Әйелдер арасында таралу жиілігі 15–80%-ды құрайды.

Себептері

Бейімдеуші факторлар: организмдегі гормоналдық бұзылыстар, антибиотиктерді бақылаусыз қолдану, жеке гигиена ережелерін сақтамау, ретсіз жыныстық өмір, ішек дисбактериозы. Бұл жағдайда «пайдалы» және шартты-патогенді бактериялардың арақатынасы өзгереді.

Симптомдары

Негізгі шағымдарға өткір жағымсыз («шіріген балық») иісі бар бөлінділер (90%), жыныс мүшелері аймағындағы қышу және ашыту сезімі (30%), жыныстық қатынас кезіндегі ауырсыну (23%) жатады. Гинекологиялық тексеру кезінде жағымсыз иісі бар ақшыл түсті мол қынаптық бөлінділер анықталады. Қынаптың шырышты қабатында жиі қызару байқалады.

Диагностикасы

Қынап ішіндегісінің рН деңгейін анықтау.

Қынап жағындыларын микроскопиялық зерттеу (негізгі жасушаларды анықтау).

Кольпоскопия.

Дифференциалды диагностика: микоз, трихомониаз, спецификалық емес вагинит, гонорея.

Емі

Бактерияға қарсы суппозиторийлер түріндегі жергілікті бактерияға қарсы терапия.

Көрсетілімдер бойынша гормондық терапия.

Антигистаминдік препараттар, жергілікті анестетиктер.

Қынап биоценозын қалпына келтіруге арналған бактериялық биологиялық препараттар.

Емдеу диагнозды гинеколог растағаннан кейін ғана тағайындалады.