Ооцит доноры болу үшін не істеу керек?

Егер Сіз дені сау жас әйел болсаңыз және бедеуліктен зардап шегетін ерлі-зайыптыларға көмектескіңіз келсе, жұмыртқа жасушаларының доноры бола аласыз. Жұмыртқа жасушаларының доноры — бедеулікке тап болған ерлі-зайыптыларға бақытты ата-ана атанып, толыққанды отбасы құруға мүмкіндік пен үміт сыйлайтын адам!
Біздің елімізде тиісті медициналық тексеруден өткен, қарсы көрсетілімдері жоқ және биоматериал тапсыруға өз еркімен ниет білдірген кез келген дені сау адам дерлік донор бола алады.

Жұмыртқа жасушаларының донорына қойылатын талаптар

• жасы — 18–30 жас; зиянды әдеттердің болмауы;
• психикалық және соматикалық денсаулығының жақсы болуы (жедел және созылмалы аурулардың, соның ішінде гинекологиялық аурулардың болмауы);
• бойы мен салмағы — орташа;
• фенотиптік белгілерінде айқын ауытқулардың болмауы;
• донордың алдыңғы стимуляциясынан бері кемінде 4 ай өтуі тиіс;
• қандағы қант деңгейінің қалыпты болуы.